اسلام آباد۔23اپریل(اے پی پی):چیئرمین سینیٹ سید یوسف رضا گیلانی آکھیے جو ملک کوں پیش آندے چیلنجز نال نبݨݨ سانڳے مربوط کوششاں نال موثر حکمت عملی اختیار کرݨی ہوسی ، موسمیاتی تغیرات پوری دنیا سانڳے ھک وݙا چیلنج بݨ چکیے ۔ سوشل سیفٹی نیٹ ورک اتے وسائل دے موثر استعمال دے حوالے نال حکمت عملی ناگزیر اے۔ اے ڳالھ انہاں اسلام آباد اچ تھیوݨ آلے بزنس سمٹ اچ بطور مہمان …
ملک کوں پیش آندے چیلنجزنال نبݨݨ سانڳے مربوط کوششاں نال موثر حکمت عملی بݨاوݨی ہوسی ،چیئرمین سینیٹ
مزید خبراں
اسلام آباد۔23اپریل(اے پی پی):چیئرمین سینیٹ سید یوسف رضا گیلانی آکھیے جو ملک کوں پیش آندے چیلنجز نال نبݨݨ سانڳے مربوط کوششاں نال موثر حکمت عملی اختیار کرݨی ہوسی ، موسمیاتی تغیرات پوری دنیا سانڳے ھک وݙا چیلنج بݨ چکیے ۔ سوشل سیفٹی نیٹ ورک اتے وسائل دے موثر استعمال دے حوالے نال حکمت عملی ناگزیر اے۔ اے ڳالھ انہاں اسلام آباد اچ تھیوݨ آلے بزنس سمٹ اچ بطور مہمان خصوصی خطاب کریندے ہوئیں آکھی اے ۔ انہاں آکھیے جو یونٹی فوڈز، نٹ شیل گروپ دے اہتمام نال بزنس سمٹ اچ لیڈرز دا 7ویں ایڈیشن ھک موثر پلیٹ فارم ثابت تھیسی۔ میں ایں اہم فورم تے سݙݨ تے تساڈا مشکور ہاں جیں اچ پوری دنیا دے کامیاب تاجر وسرمایہ کار اتے کاروباری حضرات موجود ہن چیئرمین سینیٹ سید یوسف رضا گیلانی آکھیے امید اے جو ایں سمٹ دے ݙو رس نتیجے سامݨے آسن ۔ اساکوں ملکی معیشت تے ٻئے چیلنجز نال نبݨݨ تے اقتصادی ترقی سانڳے موثر حکمت عملی بݨسی ۔امید اے ملک کوں سیکورٹی، معاشی، ماحولیاتی، سماجی اتے بالخصوص آبادی اچ ودھارے نال نبݨݨ سانڳے ایں پلیٹ فارم توں موثر تجویزاں ملسن ۔ چیئرمین سینیٹ آکھیے ملک کوں پیش آندے چیلنج نال نبݨݨ سانڳے کوششاں نال موثر حکمت عملی بݨاوٰ ہوسی تے خاص طور تے دہشت گردی دے خلاف تے علاقائی استحکام دی پاسے خصوصی توجہ ݙیوݨی ہوسی۔ انہاں آکھیے ملکی معاشی حالات اچ بہتری، مہانگ، بے روزگاری اتے غربت مکاوݨ سانڳے تاجر برادری اتے کاروباری حضرات کوں آپݨا کردارنبھاوݨا ہوسی ۔ حکومت تے تاجراں وچال تعاون تے موثر حکمت عملی معاشی بحالی دی ضامن اے۔
