حکومت مہانگ تے بے روزگاری تے قابو پاوݨ، معاشی استحکام اتے برآمدات ودھاوݨ کیتے پرعزم اے، کاروباری برادری دے تعاون نال آندے پںج سالیں اچ آپݨی برآمدات کوں ݙوگنا کرݨ دا پک کر ڳھدے، وزیراعظم شہباز شریف

کراچی ۔24اپریل  (اے پی پی) وزیراعظم محمد شہباز شریف آکھیا جو حکومت مہانگ تے بے روزگاری تے قابو پاوݨ، معاشی استحکام اتے برآمدات ودھاوݨ کیتے پرعزم اے، کاروباری برادری دے تعاون نال آندے پںج سالیں اچ آپݨی برآمدات کوں ݙوگنا کرݨ دا پک کر ڳھدے۔ حکومت دے موثر اقدامات پاروں سٹاک مارکیٹ تاریخ دی بلند ترین سطح تے اے، آئی ٹی برآمدات اتے ترسیلات زر ریکارڈ ودھ ڳئن۔ کرنٹ اکاؤنٹ مثبت اے۔ بدھ کوں کراچی اچ معروف کاروباری شخصیات نال ڳالھ مہاڑ کریندیں ہوئیں وزیراعظم شہباز شریف آکھیا جو تاجر برادری نال مل تے ٻہوں خوشی تھئی اے۔ انہاں آکھیا جو حکومت مہانگ تے بے روزگاری تے قابو پاوݨ، معاشی استحکام اتے برآمدات ودھاوݨ کیتے پرعزم اے، کاروباری برادری دے تعاون نال آندے پںج سالیں اچ آپݨی برآمدات کوں ݙوگنا کرݨ دا پک کر ڳھدے۔ وزیراعظم آکھیا جو کاروباری برادری نال 2700 ارب روپے دے معاملے عدالتاں اچ زیرسماعت ہن، اساں فیصلہ کرݨے جو قرضے ڳھن تے زندگی گزارݨی اے یا عزت تے وقار نال جیوݨے۔ ایں موقع تے گورنر سندھ کامران ٹیسوری، وزیراعلیٰ سندھ سید مراد علی شاہ اتے وفاقی وزراء وی موجودہن۔