ملیریا تے قابو پاوݨ کیتے سانجھی کوششاں دی لوڑھ اے، چیئرمین سینیٹ دا ملیریا دے جڳ ݙیھاڑ دے موقع تے سنیھا

اسلام آباد۔25اپریل  (اے پی پی) چیئرمین سینیٹ سید یوسف رضا گیلانی آکھیا جو ملیریا تے قابو پاوݨ کیتے سانجھی کوششاں دی لوڑھ اے، ملیریا دے خاتمے کیتے ٹھوس اقدامات نال نہ صرف غریبی دے خاتمے اچ مدد ملسی جڈانجو پائیدار ترقی دے اہداف ڳھنݨ آلے پاسے وی پیش رفت تھیسی۔ خمیس کوں ملیریا دے ڄڳ ݙیھاڑ دے موقع تے آپݨے سنیھے اچ آکھیا جو ملیریا توں آگاہی اتے ایندے نال نبڑݨ کیتے موثر حل ڳولݨ کیتے متحد کرݨ دی لوڑھ اے۔ ملیریا ہک قابل علاج بیماری اے پر ایندے کنٹرول کیتے سارے سٹیک ہولڈرز دی سانجھی کوششاں دی لوڑھ اے۔