پشاور۔ 29 اپریل (اے پی پی):پی ڈی ایم اے توں پچھلے ݙو ݙینھ اچ مینھ پاروں جانی تے مالی ضیان دی رپورٹ جاری کرݙتی اے ۔ رپورٹ موجب اڄوکے مینھ پاروں حادثیں دے نتیجے اچ ہݨ تئیں 10 لوک جاں بحق جݙاں جو 14 لوک زخمی تھئن ۔ جاں بحق لوکاں اچ 6 مرد، 2 تریمتاں تے 2 ٻال جݙاں جو زخمیاں اچ 5 مرد ،2 تریمتاں تے 7 ٻال شامل ہن ۔ رپورٹ موجب دیواراں ،چھتاں تے آسمانی بجلی ڈھݨ پاروں مجموعی طور تے 56 گھراں کوں ضیان پڄے ۔ ایویں مینھ وس پاروں جانی تے مالی حادثے صوبہ دے مختلف ضلئیں باجوڑ ،سوات، مانسہرہ، بٹگرام، دیر لوئر مالاکنڈ، لکی مروت، کوہاٹ اورکزئی، شانگلہ، دیر اپر، بونیر، چترال لوئر، نوشہرہ اتے مھمند اچ تھئن ۔ݙوجھے پاسوں پی ڈی ایم اے، ضلعی انتظامیہ اتے امدادی ٹیماں متاثرہ ضلعیں اچ امدادی سرگرمیاں اچ مصروف ہن ۔
