وفاقی وزیر داخلہ  دا پاسپورٹ آفس گارڈن ٹاؤن دا دورہ ، غیر تسلی بخش جوابات تے ڈائریکٹر تے اسسٹنٹ ڈائریکٹرکوں عہدیں توں ہٹاوݨ دے احکامات

اسلام آباد۔29اپریل  (اے پی پی):وفاقی وزیر داخلہ محسن نقوی پاسپورٹ آفس گارڈن ٹاؤن اچ عوام دی شکایتاں ، ٹوکن مشین دی خرابی ، ایجنٹس مافیا دی بھرمار، دفتر داخلے دی فیس وصولی تے کاوڑ کیتی وزیر داخلہ غیر تسلی بخش جواب تے ڈائریکٹر اتے اسسٹنٹ ڈائریکٹر کوں عہدیں توں ہٹاوݨ دے احکامات جاری کرݙتن ۔ سنوار دی سویل وفاقی وزیرداخلہ محسن نقوی پاسپورٹ آفس گارڈن ٹاؤن دا دورہ کیتے۔ وزیر داخلہ پاسپورٹ بݨواوݨ آلے شہریاں دا رش تے ایجنٹ مافیا دا راڄ ݙیکھ تے کاوڑ کیتی ۔شہریاں پاسپورٹ بݨواوݨ سانڳے ایجنٹ مافیا کوں رقم ݙیوݨ دے ثبوت وی وزیر داخلہ کوں ݙکھائے ۔دورے دے دوران وفاقی وزیرپاسپورٹ آفس دا گیٹ کراس کرݨ تے وی ’’ٹیکس‘‘وصولی اتے خراب ٹوکن مشین تے پاسپورٹ حکام پچھ پریت کیتی ۔وزیرداخلہ آکھیے عملے دی ملی بھگت دے بغیر پیسے گھنݨ دا سوال ہی پیدا نی تھیندا ۔ وزیر داخلہ موقع تے ہی ڈائریکٹر اسٹنٹ ڈائریکٹر دا تبادلہ کرتے انھاں دے خلاف محکمانہ  کارروائی دا حکم ݙتا۔وفاقی وزیرداخلہ محسن نقوی پاسپورٹ آفس اچ موجود شہریاں  نال ملاقات کیتی تے مسئلے پچھیے ۔وفاقی وزیر داخلہ شہریاں کوں یقین ݙیوائے جو میں تساں سانڳے آیاں تے شکایتاں دا ازالہ کریساں۔