سکیورٹی فورسز دا ٹانک اچ آپریشن، 4 دہشت گرد ماریے ڳئن ، آئی ایس پی آر

راولپنڈی۔29اپریل  (اے پی پی):ضلع ٹانک اچ سکیورٹی فورسز  دے آپریشن  دے دوران 4 دہشتگرد ماریے ڳئن ۔آئی ایس پی آر موجب سکیورٹی فورسز 28 اتے 29 اپریل دی وچالی رات ضلع ٹانک اچ دہشتگرداں دی موجودگی دی اطلاع تے  کارروائی کیتی اتے دہشتگرداں دے ٹھکاݨے کوں ڳول تے 4 دہشتگرداں کوں  ہلاک کرݙتے ۔ ہلاک تھیوݨ آلے دہشت گرداں توں اسلحہ تے گولہ بارود وی برآمد تھئے۔ ہلاک دہشت گرد دہشت گردی دی متعددکارروائیاں اچ ملوث ہن۔آئی ایس پی آر آکھیے جو مقامی لوکاں سکیورٹی فورسز دے آپریشن دی تعریف کیتی ، سکیورٹی فورسز ملک توں دہشت گردی مکاوݨ سانڳے پرعزم اے۔