وزیر اعظم شہباز شریف  نال بل گیٹس دی ملاقات

ریاض۔29اپریل(اے پی پی) وزیر اعظم محمد شہباز شریف سنوار کوں ریاض اچ ورلڈ اکنامک فورم  دے خصوصی اجلاس دے موقع تے بل اینڈ میلنڈا گیٹس فاؤنڈیشن دے بانی تے شریک چیئرمین  بل گیٹس نال ملاقات کیتی ،بل گیٹس پنجاب اچ بطور وزیر اعلیٰ شہباز شریف دی قیادت اچ حفاظتی ٹیکے تے پولیو دے حفاظتی قطریں دے پروگرام دی تعریف کریندے ہوئیں ایں طرز دے پروگرام کوں پورے ملک اچ کھنڈاوݨ دی تجویز ݙتی جݙاں جو وزیراعظم پاکستان اتے گیٹس فاؤنڈیشن وچال مضبوط شراکت داری یقینی بݨاوݨ سانڳے بل گیٹس نال رل تے کم جاری رکھݨ دے آپݨے عزم دا اعادہ کیتے ۔وزیر اعظم آفس دے میڈیا ونگ توں جاری پریس ریلیزموجب وزیر اعظم محمد شہباز شریف سنوار کوں ریاض اچ ورلڈ اکنامک فورم دے خصوصی اجلاس دے موقع تے بل اینڈ میلنڈا گیٹس فاؤنڈیشن دے بانی اتے شریک چیئرمین بل گیٹس نال ملاقات کیتی ۔ ایندے توں پہلے ݙوہیں رہنماواں عالمی اقتصادی فورم دے ھک اعلیٰ سطحی پینل مباحثے اچ شرکت کیتی ہئی جیں دا عنوان  “عالمی صحت دے ایجنڈے دی نویں تعریف” ہئی ۔ وزیر اعظم اپݨے ول انتخاب تے بل گیٹس دے تہنیتی خط تے انہاں دا شکریہ ادا کیتے ۔