وزیرِ اعظم دی شپنگ لائیز دی ریگولیشن کیتے جامع لائحہ عمل، بندرگاہواں تے جدید اسکیننگ دی ہدایت

کراچی۔7جولائی(اے پی پی)وزیرِ اعظم محمد شہباز شریف شپنگ لائیز کی ریگولیشن کیتے جامع لائحہ عمل اتے بندرگاہواں تے اسکیننگ دی جدید مشینری تیھکے لاوݨ دی دہایت کریندے آکھیے جو کراچی پورٹ ٹرسٹ تئیں اتے ایں توں سامان دی بغیر رکاوٹ ترسیل کیتے لیاری ایکسپرس وے کوں کارگو ٹریفک کیتے 24 گھنٹے کھلا رکھای ونڄے، کراچی اچ بندرگاہواں دی ترقی نال ویلیو ایڈیشن دی صنعت نال برآمدات ودھیسوں۔ وزیرِ اعظم کوں کراچی پورٹ ٹرسٹ آوݨ تے بندرگاہواں اتے نیشنل فلیگ کیرئیر پاکستان نیشنل شپنگ کارپوریشن تے تفصیلی بریفنگ ݙتی گئی۔ وزیرِ اعظم آکھیا جو پاکستان اہم جغرافیائی حیثیت رکھدے، پاکستان وسط ایشیائی ریاستاں کوں سمندری تجارت دا سب توں بہترین رستہ ݙیندے ایں سانڳے وسط ایشیائی ریاستاں ٻہوں دلچسپی ݙکھائی اے، بندرگاہواں اچ جدید نظام اتے انہاں دی رسائی اچ ٻئی چنڳائی کر تے پاکستان ارباں ڈالر زرمبادلہ کما سڳدے، کراچی اچ موجود بندرگاہوا دی ترقی نال ویلیو ایڈیشن دی صنعت توں برآمدات ودھیسوں، پورٹ قاسم اتے کراچی پورٹ ٹرسٹ تے جدید آلات و مشینری لڳݨ نال کسٹمز کلیئرنسدا ویلھا ڳھٹایا ویسی اتے ایں سانڳے ترجیحی اقدامات کیتے ویسن۔ وزیرِ اعظم ہدایت کیتی جو کراچی پورٹ ٹرسٹ تئیں اتے ایں توں سامان دی ترسیل کیتے لیاری ایکسپرس وے کھلی رکھ تے ملیر ایکسپریس وے کوں بندرگاہ نال جوڑیا ونڄے، بذریعہ ریل وی سامان دی ترسیل یقینی ٻݨائی ونڄے، پورٹ قاسم تے ایل این جی جہازاں دی فیس ڳھٹا تے ایکون بین الاقومی سطح تے رائج ریٹس دے مطابق مقرر کیتا ونڄٖے، شپنگ لائیز دی ریگولیشن کیتے جامع لائحہ ݙتا ونڄے، پاکستان نیشنل شپنگ کارپوریشن اپݨی لاگت ڳھٹاوݨ اتے آپریشنز مؤثر ٻݨاوݨ کیتے جامع لائحہ عمل ݙیوے، ملک اچ نجی شعبے دی ترقی، کاروباراچ سوکھ اتے سرمایہ کاراں کوں سہولت حکومت دی اڄوکی ترجی اے، اللہ دے فضل نال ملکی معیشت مستحکم اتے ترقی دے رستے تے ہے، پاکستان دی برآمدی صنعت دی ترقی کیتے برآمد کندگان کوں ہر سوکھ ݙیندے پئے ہیں۔ وزیرِ اعظم کراچی پورٹ ٹرسٹ، پورٹ قاسم اتھارٹی اتے نیشنل شپنگ کارپوریشن بارے اجلاس دی وی اڳواݨی کیتی جیندے اچ وفاقی وزراء محمد اورنگزیب، جام کمال خان، احد خان چیمہ، عطاء اللہ تارڑ، قیصر احمد شیخ، گورنر سندھ کامران ٹیسوری، وزیرِ اعلی سندھ سید مراد علی شاہ، چیئر مین ایف بی آر، چیئرمین پی این ایس سی، پی کیو اے، کے پی ٹی  اتے متعلقہ اعلیٰ حکام شرکت کیتی۔ اجلاس اچ کراچی پورٹ ٹرسٹ، پورٹ قاسم اتے پاکستان نیشنل شپنگ کارپوریشن دے آپریشنز تے بریفنگ ݙتی گئی۔ وزیرِ اعظم کراچی پورٹ ٹرسٹ کوں بندرگاہ دی کارکردگی دے خطے دیاں ٻیاں بندرگاہوا نال برابری سانڳے رپورٹ پیش کرݨ دی ہدایت کیتی۔(