وفاقی وزیرداخلہ محسن نقوی دی صدارت اجلاس، پروٹیکٹڈ صارفین کوں ریلیف ݙیوݨ کیتے سارے ڈسکوز دا ڈیٹا منڳ ڳھدا

اسلام آباد۔8جولائی  (اے پی پی) وفاقی وزیرداخلہ محسن نقوی پروٹیکٹڈ صارفین کوں ریلیف ݙیوݨ کیتے سارے ڈسکوز دا ڈیٹا منڳ ڳھدے۔ سنوار کوں وفاقی وزیرداخلہ محسن نقوی دی صدارت وزارت داخلہ اچ اہم اجلاس تھیا۔ محسن نقوی پروٹیکٹڈ صارفین کوں نان پروٹیکٹڈ کیٹگری اچ شامل کرݨ تے تشویش کریندیں ہوئیں ایف آئی اے دے سارے ڈائریکٹرزکوں ڈسکوز دے  ڈیٹا کوں چیک کر تے رپورٹ پیش کرݨ دی ہدایت کیتی۔ انہاں ترائے ݙینھ اچ ایف آئی اے ڈائریکٹرز کوں سارے شواہد جمع کرݨ دا ٹاسک ݙتے۔ وزیرداخلہ آکھیا جو سارے شواہد دی جامع رپورٹ وزیراعظم کوں پیش کیتی ویسی۔ پروٹیکڈ صارفین نال زیادتی دا ازالہ کرݨ ضروری اے۔  وفاقی سیکرٹری داخلہ، ایڈیشنل ڈی جی ایف آئی اے ہیڈکوارٹر ، ایڈیشنل سیکرٹری داخلہ، ایڈیشنل ڈی جی ایف آئی نارتھ اتے متعلقہ حکام اجلاس اچ شریک تھیے۔