اسلام آباد۔8جولائی(اے پی پی) وفاقی وزیر خزانہ و محصولات سینیٹر محمد اورنگزیب کے الیکٹرک دے وفد کوں ادائیگیاں اچ دیر تھیوݨ دا معاملہ حل کراوݨ دا یقین ݙویندے آکھیے جو کے الیکٹرک کوں کراچی اچ خدمات ݙیوݨ اچ بہتری تے سستی پیداواری صلاحیت ودھاوݨ سانڳے آپݨے منصوبے کوں تکھا کرݨ دی ہدایت کیتی ۔ اے ڳالھ انہاں کے الیکٹرک دے سی ای او سید مونس عبداللہ علوی کوں ملاقات …
وفاقی وزیر خزانہ سینیٹر محمد اورنگزیب نال کے الیکٹرک دے سی ای او مونس عبداللہ علوی دی ملاقات
مزید خبراں
اسلام آباد۔8جولائی(اے پی پی) وفاقی وزیر خزانہ و محصولات سینیٹر محمد اورنگزیب کے الیکٹرک دے وفد کوں ادائیگیاں اچ دیر تھیوݨ دا معاملہ حل کراوݨ دا یقین ݙویندے آکھیے جو کے الیکٹرک کوں کراچی اچ خدمات ݙیوݨ اچ بہتری تے سستی پیداواری صلاحیت ودھاوݨ سانڳے آپݨے منصوبے کوں تکھا کرݨ دی ہدایت کیتی ۔ اے ڳالھ انہاں کے الیکٹرک دے سی ای او سید مونس عبداللہ علوی کوں ملاقات اچ آکھی ۔ ایں موقع تے کے الیکٹرک دے سی ایف او محمد عامرغازیانی اتے چیف ریگولیٹری افیئرز محمد عمران قریشی وی موجود ہن ۔ کے الیکٹرک دے نمائندیں وفاقی وزیرکوں ݙسائے حکومت اتے کے الیکٹرک وچال اڄوکے سال شروع اچ طے تھیوݨ آلے معاہدے نال کئی مسئلے حل تھی ڳئن تے ہݨ کے الیکٹرک آپݨے بجلی دے مکس کوں چنڳاں بݨاوݨ سانڳے جدیدترین منصوبیں تے عمل کرݨ سانڳے کم کریندی پئی اے ۔ وفد پوسٹ آفس دے ذریعے صارفین دے جمع تھیوݨ آلے ٻلاں دی دیر نال ادائیگی دا مسئلہ چاتے ۔وفاقی وزیروفد کوں یقین ݙیوائے ادائیگیاں اچ دیر دا معاملہ حل کیتا ویسی انہاں آکھیے کے الیکٹرک کوں کراچی اچ خدمات ݙیوݨ اچ بہتری گھن آوݨ تے سستی پیداواری صلاحیت ودھاوݨ سانڳے آپݨے منصوبے کوں تکھا کرݨا چاہیدے تاں جو بجلی دی قیمت کوں گھٹ کیتا ونڄ سڳے
