اسلام آباد۔31جولائی(اے پی پی)وفاقی وزیر داخلہ محسن نقوی نال مجلس وحدت المسلمین دے ایم این اے حمید حسین دی اڳواݨی اچ کرم دا وفد ملیے۔ وزیرداخلہ کرم واقعات تے چنتا کریندے اڳو تے اینڄھے واقعات روکݨ کیتے جامع حکمت عملی تے الائے۔ انہاں قیمتی انسانی جاناں دے ضیان تے افسوس کریندے زخمیاں دی تیکھے صحتیابی دی دعا کیتی۔ انہاں آکھیا جو ݙو گروپاں اچ ٻھڑاند کوں غلط رنگ ݙتا ڳئے، ایں سانڳے علاقے دے اہم شخصیات کوں معاملے دے پائیدار حل کیتے کردار ادا کرݨا ہوسی، معاملے تے حکومت پورا ہتھ ونݙیسی۔ وفاقی وزیرداخلہ محسن نقوی کرم دے ݙوہان گروپاں دی اہم شخصیات تے نمائندہ وفد کوں وی ملݨ کیتے سݙیے۔ وفد اچ منیر حسین، پروفیسر شبیر بنگش، محمد بشیر بنگش، رحیم گل اتے حاجی نور رحمان شامل ہن۔
