اسلام آباد۔31جولائی(اے پی پی)پاکستان حماس دے سربراہ اسماعیل ہانیہ دے قتل دی شدید مذمت کریندے ہوئے انہاں دے ٹٻر اتے فلسطینی عوام کوں پچاوݨی ݙتی اے۔ دفتر خارجہ دی ترجمان حماس دے سیاسی ونگ دے سربراہ اسماعیل ہانیہ دی شہادت تے مکاݨ ݙیندے آکھیے جو پاکستان اج تہران اچ حماس دے سربراہ اسماعیل ہانیہ دے قتل دی مذمت کریندے، اساں انہاں دے ٹٻر اتے فلسطینی عوام کوں پرچاوݨی ݙیندے ہیں۔ ترجمان آکھیے جو پاکستان دہشت گردی دیاں ساریاں شکلاں دی مذمت کریندے جیندے اچ ایںجھے ماورائے عدالت قتل وی شامل ہین، ایران دے صدر دی تقریب حلف برداری تے پاکستان دے نائب وزیراعظم سودھا کئی غیر ملکی معززین شریک ہین، پاکستان خطے اچ ودھدی اسرائیلی مہم جوئی تے چنتا کریندے، اینڄھیاں تازہ کارروائیاں پہلے توں عدم استحکام وات آئے خطے اچ ہک خطرناک رحجان اے جیندے نال امن کوششاں کوں نقصان پڄدے
