لندن۔31جولائی (اے پی پی) چیئرمین سینیٹ سید یوسف رضا گیلانی دی قیادت اچ سینیٹ تے قومی اسمبلی دے ارکان دے وفد نال جموں و کشمیر حق خود ارادیت تحریک برطانیہ، انٹرنیشنل لابی آن کشمیر اتے برطانیہ اچ رہݨ آلے انٹرنیشنل سٹوڈنٹس سوسائٹی دے نمائندیں اتھاں ملاقات کیتی ۔ سینیٹ سیکرٹریٹ توں جاری بیان موجب چیئرمین سینیٹ آکھیے مسئلہ کشمیر تے پاکستان دا موقف واضح اے۔ مقبوضہ کشمیر اچ نشوم شہریاں تے ظلم تے طاقت دے وحشیانہ استعمال دی مذمت کیتی۔ بھارتی فوج عوام کوں انہاں دے جائز حق توں محروم کرتے عالمی قوانین دی خلاف ورزی کریندی پئی اے ، کشمیریاں سانڳے آواز چاوݨ سانڳے کم کرݨ آلے برطانیہ اچ رہݨ آلے پلیٹ فارمز دی کوششاں دی تعریف کیتی ۔ انہاں آکھیے پاکستان مسئلہ کشمیر اقوام متحدہ، اسلامی تعاون تنظیم (او آئی سی) تے ٻئے عالمی پلیٹ فارمز تے چاتے۔ چیئرمین سینیٹ آکھیے مسئلہ کشمیر پاکستان دی خارجہ پالیسی دا بنیادی عنصر اے اتے اساں چاہندوں بین الاقوامی قوانین، اقوام متحدہ دی سلامتی کونسل دی قرارداداں تے کشمیری عوام دی امنگاں موجب مسئلے دا پرامن حل کڈھیا ونڄے ۔ کشمیری وفد اچ جموں و کشمیر سیلف ڈیٹرمینیشن موومنٹ انٹرنیشنل دے چیئرمین راجہ نجابت حسین، مانچسٹر دی سابقہ لارڈ میئر کونسلر یاسمین ڈار چیئرپرسن انٹرنیشنل لابی آن کشمیر اتے ذیشان عراف صدر انٹرنیشنل سٹوڈنٹس سوسائٹی شامل ہن
