اسلام آباد۔31جولائی(اے پی پی) آبادی دی ضروریات توں اہم آہنگ ترقیاتی منصوبہ بندی کیتے وفاقی تے صوبائی حکومتاں جامع تے مصدقہ اعداد وشمار دی رسائی کوں یقینی بݨاون۔ اے ڳالھ یواین ایف پی اے دے تعاون نال پاپولیشن کونسل ولوں میڈیا کولیشن سیمینار اچ کیتی ڳئی۔ایں قومی نشست اچ پورے پاکستان توں صحافی شریک تھئے۔ اتے پاپولیشن کونسل دے سینئر ڈاکٹر پروگرامز ڈاکٹر علی میر آکھیے عوام دے فیدے دی موثر پالیسیاں دی تشکیل اتے قابل رسائی ڈیٹا دے ذریعے ہی مساوات تے مبنی مستقبل دا قیام ممکن اے۔ عالمی یوم آبادی دا مرکزی تصور وی ہیں تھیم کوں ایں سال بݨایا ڳئے۔ انہاں آکھیے صحافی ڈیٹا دی تشکیل تے رسائی کوں نشابر کرن۔ جݙاں جو پاپولیشن کونسل دے ڈپٹی مینیجر اکرام الاحد مردم شماری 2023 دے اعداد و شمار پیش کریندے آکھیے پاکستان کوں آپݨے ہمسائے مسلم ملکاں دی پالیسی تے چلدے ہوئیں پیدائش دی شرح کوں گھٹ کرݨا پوسی۔ اے اہداف تعلیمی غذائیت مناسب ماحول تے صنفی مساوات دے بغیر نی ڳھدے ونڄ سڳدے۔(ڈاکٹر سعدیہ کمال)
