اسلام آباد۔7اگست(اے پی پی) صدر مملکت آصف علی زرداری نقلی خبراں تے غلط معلومات کھنڈݨ دی حوصلہ شکنی دی لوڑھ تے زور ݙیندے آکھیے حقائق دی جانچ پڑتال اتے معلومات دی تصدیق دے کلچر کوں ودھارا ݙیوݨا ہوسی ۔ ایوانِ صدر دے پریس ونگ توں جاری بیان موجب صدر مملکت اے ڳالھ چیئرمین پیمرا محمد سلیم کوں آکھی جنہاں ایوان صدر اچ انہاں نال ملاقات کیتی ۔ انہاں آکھیے …
صدر مملکت آصف علی زرداری نال چیئرمین پیمرا محمد سلیم دی ملاقات
اسلام آباد۔7اگست(اے پی پی) صدر مملکت آصف علی زرداری نقلی خبراں تے غلط معلومات کھنڈݨ دی حوصلہ شکنی دی لوڑھ تے زور ݙیندے آکھیے حقائق دی جانچ پڑتال اتے معلومات دی تصدیق دے کلچر کوں ودھارا ݙیوݨا ہوسی ۔ ایوانِ صدر دے پریس ونگ توں جاری بیان موجب صدر مملکت اے ڳالھ چیئرمین پیمرا محمد سلیم کوں آکھی جنہاں ایوان صدر اچ انہاں نال ملاقات کیتی ۔ انہاں آکھیے میڈیا معاشرے اچ رواداری، اتحاد اتے اخلاقی اقدار دے ودھارے اچ کردار نبھاوݨ دے نال نال صحافت دے اعلیٰ معیار کوں برقرار رکھے۔ صدر مملکت آکھیے جدید مواصلاتی ٹیکنالوجی پاروں نویں چیلنج ہن ، میڈیا رائے عامہ بݨاوݨ اچ ذمہ وار تے تعمیری کردار نبھاوے۔ غلط معلومات اتے پروپیگنڈے دے حوالے نال ضابطہ اخلاق تے عمل تھیوݨا چاہیدے۔ صدر مملکت جدید ٹیکنالوجی اتے باصلاحیت انسانی وسائل توں پیمرا دی استعدادِ کار چنڳی بݨاوݨ دی لوڑھ تے زور ݙتا تے آکھیے میڈیا ملک دا چنڳاں تشخص اتے سماجی و اقتصادی مسئلیں تے شعورݙیوے ۔ چیئرمین پیمرا صدر مملکت کوں میڈیا منظرنامے دی ریگولیشن اتے ترقی اچ پیمرا دے کردار اتے کارکردگی دا ݙسایا۔ چیئرمین پیمرا صدرمملکت کوں پیمرا رپورٹ 2021-23 وی پیش کیتی۔ صدر مملکت ملاقات اچ پیمرا کوں مزید تکڑا بݨاوݨ سانڳے آپݨی حمایت دا اعادہ کیتے
