اسلام آباد۔29اگست(اے پی پی)دفتر خارجہ دی ترجمان ممتاز زہرہ بلوچ آکھیے جو پاکستان اتے اومان وچال مسقط چ ایں ہفتے ݙوطرفہ سیاسی مشاورت دا اٹھواں اجلاس تھئے۔ دفتر خارجہ ی ترجمان پریس بریفنگ اچ آکھیے جو مذاکرات اچ ایڈیشنل سیکرٹری خارجہ (مشرق وسطیٰ) سفیر شہریار اکبر خان اتے اومان دی وزارت خارجہ اچں جی سی سی اتے ریجنل نیبرہوڈ ڈیپارٹمنٹ دے سربراہ سفیر شیخ احمد بن حشیل بن راشد المسکری …
پاکستان اتے اومان غزہ دا اسرائیلی جارحیت، فلسطینی عوام دی نسل کشی تے چنتا، ترجمان دفتر خارجہ
اسلام آباد۔29اگست(اے پی پی)دفتر خارجہ دی ترجمان ممتاز زہرہ بلوچ آکھیے جو پاکستان اتے اومان وچال مسقط چ ایں ہفتے ݙوطرفہ سیاسی مشاورت دا اٹھواں اجلاس تھئے۔ دفتر خارجہ ی ترجمان پریس بریفنگ اچ آکھیے جو مذاکرات اچ ایڈیشنل سیکرٹری خارجہ (مشرق وسطیٰ) سفیر شہریار اکبر خان اتے اومان دی وزارت خارجہ اچں جی سی سی اتے ریجنل نیبرہوڈ ڈیپارٹمنٹ دے سربراہ سفیر شیخ احمد بن حشیل بن راشد المسکری اپݨے اپݨے ملکاں دے وفداں دی اڳواݨی کیتی۔ فریقین ݙوطرفہ تعاون خا ص کر سیاسی تعلقات، تجارت اتے سرمایہ کاری، سلامتی اتے دفاع، ثقافت، صحت اتے قونصلر امور دا جامع جائزہ ڳھدے۔ انہاں کثیرالجہتی فورمز تے پاک اومان تعاون تے وی الایا۔ فریقین غزہ تے اسرائیل دی جنگ اتے فلسطینی عوام دی نسل کشی تے وی چنتا کریندے فوری اتے غیر مشروط جنگ بندی تے زور ݙتے اتے فلسطین دی ہک قابل عمل، خودمختار اتے متصل ریاست دے قیام دا وی مطالبہ کیتے۔
