وفاقی محاصل دا 100 فیصد قرضے ݙیوݨ تے ویندے ، اٹھارویں ترمیم دے بعد علاقائی ترقی صوبیں دی ذمہ واری اے،احسن اقبال

اسلام آباد۔30اگست(اے پی پی) وفاقی وزیر منصوبہ بندی و ترقی احسن اقبال آکھیے وفاقی محاصل دا 100 فیصد قرضے ݙیوݨ تے ویندے ، اٹھارویں ترمیم دے بعد علاقائی ترقی صوبیں دی ذمہ واری اے لیکن ایندے باوجود وفاقی حکومت مختلف ضلعیں اچ صوبیں نال رل تے ترقیاتی پروگرام شروع کیتن ، سکھر۔ حیدر آباد موٹروے منصوبے تے چین نال ڳالھ مہاڑ جاری اے جیویں وی ممکن تھیا اے منصوبہ مکمل کیتا ویسی ۔ قومی اسمبلی اچ سوالاں تے وقفے تے آغا رفیع اللہ دے سوال دے جواب اچ وفاقی وزیر منصوبہ بندی و ترقی احسن اقبال آکھیے بلاشبہ ترقی دے حوالے نال ملک دے مختلف علاقیں اچ تفریق پاتی ویندی اے ، پی ایس ڈی پی دا حجم 1400 ارب توں سکڑ تے1100 ارب تئیں آڳئے ، ممکن اے ایندے اچ ٻئی گھٹکی تھیوے کیوں جو وفاق دے محاصل 100 فیصد قرض ݙیوݨ تے لڳدن ، وزیراعظم محمد شہباز شریف دی صدارت اچ ڈھانچہ جاتی اصلاحات دا عمل  جاری اے، اٹھارویں ترمیم دے بعد ساݙی ترقی دی لوڑھ بدل ڳئی اے ، وفاقی ترقیاتی بجٹ دا حجم سکڑونڄݨ دے باوجود وفاقی حکومت ملک دے 20 ضلعیں اچ وفاقی اتے صوبائی حکومتاں دی سانجھ نال ترقیاتی پروگرام شروع کیتن آئی ایم ایف نال لفریم ورک دی وجہ توں وزیراعظم عوام تے گھٹ ٻوجھ پاوݨ چاہندن ، 2018 اچ صوبائی نوعیت دے منصوبیں دا پی ایس ڈی پی اچ حجم 15 فیصد ہئی جیڑھا ہݨ 40 فیصد تئیں آڳئے لیکن وفاقی حکومت دے وسائل اچ 60 فیصد کمی آئی اے۔ ،بنیادی طور تے علاقائی ترقی صوبیں کنے آندی اے