تاشقند۔26فروری (اے پی پی) وزیرِاعظم محمد شہباز شریف اڄ بدھ کوں تاشقند اچ مصروف ݙینھ گزریسن۔ بدھ کوں پی ایم آفس دے میڈیا ونگ توں جا ری بیان موجب وزیرِ اعظم ازبکستان دے صدر شوکت مرزایوف نال ملاقات کریسن۔ ݙوہیں رہنماواں وچال ݙوپاسہ ملاقات اتے وفود دی سطح تے ملاقاتاں تھیسن۔ وزیرِ اعظم محمد شہباز شریف اتے ازبکستان دے صدر شوکت مرزایوف پاکستان اتے ازبکستان وچال مختلف شعبیاں اچ تعاون دی مفاہمتی یادداشتاں تے دستخط دی تقریب اچ شرکت اتے سانجھی پریس کانفرنس توں خطاب کریسن۔ بعد اچ وزیرِ اعظم اتے ازبک صدر پاکستان اتے ازبکستان سانجھے بزنس فورم اچ شریک اتے ڳالھ مہاڑ کریسن۔ وزیراعظم تاشقند اچ ٹٰیکنو پارک دا وی دورہ کریسن جتھ انہاں کوں مقامی طور ٻݨائی ڳئی مصنوعات دے صنعتی یونٹس دا دورہ کرایا ویسی۔
