اسلام آباد۔26فروری(اے پی پی) وفاقی وزیر توانائی سردار اویس احمد خان لغاری نال پاکستان اچ برطانوی ہائی کمشنر جین میریٹ ملاقات کیتی۔ جاری پریس ریلیز موجب وفاقی وزیر برطانوی ہائی کمشنر کوں توانائی سیکٹر اچ موجودہ حکومت دی کارکردگی اتے نظم و ضبط گھن آوݨ سانڳے کیتے ڳئے اقدامات دے نال گھریلو تے صنعتی صارفین سانڳے ملک اچ بجلی دی قیمتاں گھٹ کرݨ سانڳے کیتے ڳئے اقدامات اتے بجلی دی تقسیم کار کمپنیاں دی نجکاری دے عمل بارے ݙسائے ۔ وفاقی وزیر ݙسائے جو گزریل سال پاکستان اپݨی کل بجلی دی پیداوار دا 55 فیصد توں زیادہ قابل تجدید اتے صاف ذرائع توں بݨائے ۔ انہاں آکھیے اڳلے 10 سالاں اچ بجلی پیدا کرِݨ دی منصوبہ بندی اچ ھک وی فوسل فیول پلانٹ کائنی جیڑھا جو ملک اچ قابل تجدید تے صاف توانائی دے تئیں حکومت دے عزم دی نشاندہی کریندے ایں موقع تے سردار اویس احمد خان لغاری موجودہ تعلقات کوں مزید مستحکم کرݨ سانڳے برطانوی حکومت اتے ایں دے ترقیاتی اداریں نال طویل شراکت داری دی تعریف کیتی ۔ برطانوی ہائی کمشنر موجودہ حکومت دی طرفوں کیتی ڳئی ساری اصلاحات دی تعریف کیتی تے توانائی دے شعبے اچ جاری تعاون کوں مزید ودھاوݨ سانڳے برطانوی حکومت دے عزم دا اظہار کیتے۔ملاقات اچ سیکرٹری پاور ڈویژن، ایڈیشنل سیکرٹری اتے پاور ڈویژن دے ٻئے حکام وی موجود ہن
