اسلام آباد۔27فروری (اے پی پی) وفاقی وزیر داخلہ محسن نقوی دا آپریشن سوئفٹ ریٹارٹ دے 6 سال پورے تھیوݨ تے پاک فضائیہ دے بہادر شاہیناں کوں خراج تحسین پیش کیتے۔ انہاں آکھیا جو 27 فروری 2019ء کوں پاکستانی شاہیناں دشمن کوں شکست ݙتی اتے دشمن کوں جارحیت دا منہ ٻھن جواب ݙتا۔ خمیس کوں آپݨے بیان اچ انہان آکھیا جو وطن عزیز دی حفاظت کیتے ہر ویلھے تیار رہݨ آلے پاک فضائیہ دے شاہیناں کوں خراج تحسین پیش کریندوں۔ پاکستان دے شاہیناں جرأت، شجاعت اتے بہادری دی نہ مٹ سڳݨ آلی داستان ٻݨائی جئیں تے پوری قوم کوں فخر اے۔ آپریشن سوئفٹ ریٹارٹ پاک فضائیہ دا تاریخی آپریشن ہئی جئیں اچ پاکستان دشمن دی فضائی حدود اچ دخل اندازی تے فوری اتے موثر جواب ݙتا۔
