اسلام آباد۔27فروری(اے پی پی) پاکستان تے متحدہ عرب امارات وچال بینکنگ، کان کنی، ریلویز تے بنیادی ڈھانچہ اچ سرمایہ کاری دے شعبیں اچ معاہدیں تے مفاہمت دی دستاویزات تے دستخط کیتے ڳئن۔ایں ضمن اچ تقریب منعقد تھئی۔ وزیراعظم محمد شہبازشریف تے متحدہ عرب امارات دے ولی عہد شیخ خالدبن محمد بن زیدالنہیان، آرمی چیف جنرل عاصم منیر،نائب وزیراعظم تے وزیر خارجہ اسحاق ڈار، وزیر دفاع خواجہ محمدآصف، وفاقی وزیر اطلاعات و نشریات عطاء اللہ تارڑ، یواے ای دے وفد اچ شامل ارکان اتے اعلیٰ افسر ایں موقع تے موجود ہن ۔ایں موقع تے متحدہ عرب امارات دے سیدبصارشعیب تے سیکرٹری خزانہ امداداللہ بوسال بینکنگ دے شعبہ اچ معاہدے دے مسودیں دا تبادلہ کیتے ۔ علی الراشدی، سعیداحمد اتے فہیم حیدر کان کنی دے شعبہ اچ معاہدے دے مسودیں دا تبادلہ کیتے ۔شادی ملک اتے عامرعلی بلوچ ریلویزدے شعبے اچ مفاہمت دی ݙودستاویزات دے مسودیں داتبادلہ کیتے۔کیپٹن جمال شمسی تے ندیم احمدچوہدری بنیادی ڈھانچہ اچ سرمایہ کاری دے شعبہ اچ تعاون دے ایم اویودے مسودیں دا تبادلہ کیتے۔
