اسلام آباد۔28فروری (اے پی پی) ترجمان دفتر خارجہ شفقت علی خان آکھیا جو وزیراعظم محمد شہباز شریف دی دعوت تے ابوظہبی دے ولی عہد شیخ خالد بن محمد بن زید النہیان 27 فروری کوں پاکستان دا دورہ کیتے۔ جمعے کوں پریس بریفنگ اچ انہاں آکھیا جوابوظہبی دے ولی عہد دا پاکستان دا اے پہلا سرکاری دورہ ہئی۔ انہاں دے رَلے ہک اعلیٰ سطحی وفد وی ہئی جئیں اچ وزراءاتے اعلیٰ حکام دے علاوہ ممتاز کاروباری رہنما وی شامل ہن۔ ترجمان آکھیا جو دورے اچ بینکنگ، ریلوے، کان کنی اتے بنیادی ڈھانچے دی ترقی دے شعبیاں اچ مفاہمت دی پںج یادداشتاں تے دستخط کیتے ڳئن۔
