اسلام آباد۔28فروری (اے پی پی) ، وزیراعظم شہباز شریف دی دارلعلوم حقانیہ اکوڑہ خٹک اچ دھماکے دی مذمت کریندیں ہوئیں آکھیا جو ایجھی بزدلانہ دہشت گردی دی کاروائیاں دہشت گردی دے خلاف اساݙے عزم کوں پست نی کر سڳدی۔ جمعے کوں وزیراعظم آفس دے پریس ونگ توں جاری بیان موجب وزیراعظم دی دھماکے اچ زخمی تھیوݨ آلے جے یو آئی (س) دے سربراہ مولانا حامد الحق اتے ٻئے زخمیاں دی صحت یابی دی دعا کیتی اتے زخمیاں کوں ہر طبی امداد ݙیوݨ دی ہدایت کیتی۔ وزیراعظم آکھیا جو دہشت گردی دے خاتمے کیتے پرعزم ہیسے۔ وزیراعظم دھماکے بارے رپورٹ منڳ ڳھدی۔
