اسلام آباد۔28فروری(اے پی پی) سپیکر قومی اسمبلی سردار ایاز صادق نوشہرہ، اکوڑہ خٹک اچ دارالعلوم حقانیہ اچ نماز جمعہ دے دوران خود کش دھماکے دی مذمت کیتی تے معروف عالم دین اتے سابق ممبر قومی اسمبلی مولانا حامد الحق حقانی اتے ٻئے نمازیاں دے جانی ضیان تے ݙکھ تے افسوس کیتے ۔ سپیکر قومی اسمبلی مولانا حامد الحق حقانی تے ٻئے شہداء دے اہلخانہ نال تعزیت کریندے آکھیے مولانا حامد الحق حقانی سودھے ٻئے نشوم تے بے گناہ نمازیاں دے جانی ضیان تے دل ݙکھی اے ،ݙکھی خانداناں دے ݙکھ اچ برابر دا شریک ہاں ، مولانا حامد الحق حقانی تے ٻئے نمازیاں تے دہشتگردانہ حملہ ٻہوں شرمناک تے بزدلانہ فعل اے، نشوم شہریاں دیاں جاناں نال کھیݙݨ آلے دہشت گرد انسانیت دے دشمن ہن۔ انہاں آکھیے دہشتگرداں دی بزدلانہ کارروائیاں دہشتگردی دے خلاف جنگ اچ قوم دے عزم کوں متزلزل نی کرسڳدیاں ، درند صفت دہشتگرداں نال اوکھے ہتھاں نال نبڑیا ویسی ، ملک دے امن کوں سبوتاژ کرݨ آلے کہیں رعایت دے مستحق کائنی ۔اسپیکر قومی اسمبلی دی مولانا حامد الحق حقانی سودھے ٻئے شہداء دے اُچے درجات تے دھماکے اچ زخمی لوکاں دی صحت سانڳے دعا منڳی۔
