اسلام آباد۔1مارچ(اے پی پی) بینک دولت پاکستان 3 مارچ 2025ء کوں عوام نال لین دین سانڳے بند رہسی کیوں جو اے ݙینھ زکوٰۃ دی کٹوتی سانڳے “بینک تعطیل” قرار ݙتا ڳئے لہٰذا سارے بینک،ترقیاتی مالی ادارے، مائیکرو فنانس بینک مذکورہ تاریخ تے عوام نال لین دین نہ کریسن ۔ سٹیٹ بینک آف پاکستان ایں ضمن اچ نوٹیفکیشن جاری کرݙتے۔ نوٹیفکیشن موجب بینک دولت پاکستان3 مارچ 2025 کوں عوام نال لین دین سانڳے بند رہسی تاں جوبینکاں، ترقیاتی مالی اداریں،مائیکرو فنانس بینکاں دے سارے ملازمین معمول موجب کم سانڳے (ماسوائے عوام نال لین دین) دفتر اچ حاضر تھیسن۔
