اسلام آباد۔10اپریل(اے پی پی) وفاقی وزیر صحت سید مصطفیٰ کمال آکھیے آئسولیش ہسپتال اینڈ انفیکشنز ٹریٹمنٹ سینٹر(آئی ایچ آئی ٹی سی) اسلام آباد اچ ٹیلی میڈیسن دا پہلا وݙا پائلٹ پراجیکٹ شروع کیتا ویسی ۔ اے ڳالھ انہاں آئی ایچ آئی ٹی سی دا دورہ کریندے آکھی ۔وزیرِ صحت مصطفی کمال کوں ادارے دے فنکشنز اتے موجود سہولتاں دا ݙسایا ڳئے ۔وفاقی وزیر صحت آئی ایچ آئی ٹی سی دے مختلف شعبہ جات دا معائنہ کیتے۔وزیر صحت آکھیے 265 بیڈز تے مشتمل اے ھک مکمل ہسپتال اے،اتھاں 5 وݙے آئی سی یو وارڈز موجود ہن، ھک وݙا ہسپتال اے،بدقسمتی نال اے ادارہ 2023 توں غیر فعال اے۔انہاں آکھیے پمز ہسپتال دے دورے دے دوران میں ݙٹھے جو ھک بیڈ تے 20 مریضاں دا ٻوجھ اے۔ وزیراعظم شہباز شریف دی ہدایت تے ایں سینٹر کوں ول فعال کرݨ ویندے پیوں ،انشاءاللہ اتھوں ٹیلی میڈیسن دا پہلا وݙا پائلٹ پراجیکٹ شروع کیتا ویسی ،ڈاکٹرز اتے دوا عوام دے دروازے تے گھن آسوں ،پاکستان اچ ودھدی آبادی اتے صحت دے بنیادی ڈھانچے دی محدود دستیابی پاروں ٹیلی میڈیسن ھک ناگزیر حل بݨدا ویندے ۔ ایں سینٹر دے ذریعے پاکستان دے عوام کوں بہترین صحت دیاں سہولتاں ممکن بݨیسوں۔
