منسک۔10اپریل(اے پی پی)وزیراعظم محمد شہباز شریف آکھیے اساں سانجھے طور تے پاکستان تے بیلاروس وچال سانجھے فیدہ مند تعاون کوں اڳوں ودھاوݨ چاہندوں ۔سوشل میڈیا ایکس تے ھک پوسٹ اچ انہاں آکھیے منسک پڄݨ تے ہوائی اݙے تے بیلاروس دے وزیراعظم الیگزینڈرٹورچن دی طرفوں پرتپاک استقبال تے دلی تسکین تھئی جتھاں انہاں کوں بیلاروس دی قدیم روایت اتے مہمان نوازی دے طور تے کورووائی، نمک نال سجی ہوئی روٹی پیش کیتی ڳئی ۔انہاں آکھیے میں اپݨی سرکاری مصروفیات خاص طور تے آپݨے دوست صدرالیگزینڈرلوکاشینکو نال ملاقات دا منتظرہاں، کیوں جو اساں سانجھے طور تے پاکستان تے بیلاروس وچال سانجھے فیدہ مند تعاون کوں اڳوں ودھاوݨ چاہندوں۔
