اسلام آباد۔11اپریل(اے پی پی) پاک بحریہ دی کمانڈ اینڈ سٹاف کانفرنس دا نیول ہیڈکوارٹرز اسلام آباد اچ انعقاد تھئے جئیں دی صدارت سربراہ پاک بحریہ ایڈمرل نوید اشرف کیتی۔ کانفرنس اچ خطے اچ بدلدی سمندری صورتحال، قومی سلامتی، جیوسٹریٹجک امور، جنگی تیاریاں اتے نینگراں دی تربیت متعلق امور تے ڳالھ مہاڑ کیتی ۔پاک بحریہ دے ترجمان موجب نیول چیف میری ٹائم ڈومین اچ ممکنہ روایتی اتے غیرروایتی خطریں دا مقابلہ کرݨ سانڳے جنگی تیاریاں کوں برقرار رکھݨ تے زور ݙتے۔ کانفرنس اچ میری ٹائم سکیورٹی تکڑی بݨاوݨ سانڳے جدید ہتھیاراں اتے ٹیکنالوجی گھنݨ دی تعریف کیتی ڳئی ۔نیول چیف کثیرالقومی مشق امن 25 اتے امن ڈائیلاگ دے کامیاب انعقاد دی تعریف کیتی ۔نیول چیف کوں پاک بحریہ دے جاری اتے مستقبل دے منصوبیں تے جامع بریفنگ ݙتی ڳئی۔ کمانڈ اینڈ سٹاف کانفرنس اچ پرنسپل سٹاف افسرتے فیلڈ کمانڈرز پاکستان نیوی دی پالیسیاں اتے منصوبیں دا جائزہ ڳھدا۔
