اسلام آباد۔12اپریل(اے پی پی) وزیرِاعظم محمد شہبازشریف چوہدری شجاعت حسین کوں مسلم لیگ( ق) دا صدر منتخب تھیوݨ دی مبارخ ݙیندے امید کیتی جو مسلم لیگ ق بطور سیاسی جماعت قانون ساز اسمبلیاں اچ عوامی امنگاں دی ایویں نمائندگی تے ملکی تعمیر و ترقی اچ آپݨا کلیدی کردارنبھیندی رہسی ۔ وزیراعظم دفتر دے پریس ونگ توں جاری تہنیتی بیان اچ وزیرِاعظم چوہدری سالک حسین کوں سینئر نائب صدر، طارق حسن کوں جنرل سیکرٹری، چوہدری شافع حسین کوں پارٹی دا پنجاب اچ صدر، ڈاکٹر محمد امجد کوں چیف آرگنائزر اتے غلام مصطفی ملک کوں مرکزی سیکرٹری اطلاعات منتخب تھیوݨ تے مبارخ ݙتی ۔انہاں مسلم لیگ ق دی نویں منتخب قیادت سانڳے نیک خواہشات دا اظہار کریندے آکھیے مسلم لیگ ق حکومت دی اہم اتحادی سیاسی جماعت اے جئیں گزریل دور حکومت اچ پاکستان دے معاشی استحکام اتے ترقی سانڳے آپݨی سیاست دی قربانی اچ سارے اتحادیاں دا ساتھ ݙتا۔ وزیرِاعظم محمد شہباز شریف ایں امید دا اظہار کیتے جو بطور سیاسی جماعت مسلم لیگ ق قانون ساز اسمبلیاں اچ عوامی امنگاں دی ایویں نمائندگی اتے ملکی تعمیر و ترقی اچ آپݨا کلیدی کردار نبھیندی رہسی۔
