اسلام آباد۔13اپریل(اے پی پی) وفاقی وزیر بحری امور جنید انوار چوھدری آکھیے پائیداربحری ترقی سانڳے بلیو کاربن ایکو سسٹم دا تحفظ ناگزیر اے،مینگروو درخت کاربن جذب کرݨ دا قدرتی ذریعہ ہن، انڈس ڈیلٹا منصوبہ پاکستان دا قیمتی ماحولیاتی خزانہ اے۔وزارت بحری امورتوں بلیو کاربن ایکو سسٹم دے حوالے نال جاری خصوصی بیان اچ وفاقی وزیر بحری امورجنید انوار چوھدری آکھیے پائیدار بحری ترقی سانڳے بلیو کاربن ایکو سسٹم دا تحفظ ناگزیر اے،بلیو کاربن ماحولیاتی تحفظ دا ضامن اے۔ وزیر بحری امور آکھیے مینگروو درخت کاربن جذب کرݨ دا قدرتی ذریعہ ہن ، انہاں آکھیے انڈس ڈیلٹا منصوبہ پاکستان دا قیمتی ماحولیاتی خزانہ اے،انڈس ڈیلٹا منصوبے توں روزگار دے وسیع موقع بݨئن ۔جنید انوار چوہدری مزید آکھیے جو ساحلی ایکو سسٹم دا تحفظ ویلھے دی اہم لوڑھ اے ، ساحلی تحفظ اچ مقامی کمیونٹی دی شرکت کلیدی حیثیت رکھیندی اے ۔ بلیو کاربن منصوبے توں روزگار دے وݙے موقع پیدا کیتے ونڄ سڳدن ۔ وفاقی وزیر بحری امورجنید انوار چوہدری آکھیے سمندری ماحولیاتی نظام آلودگی پاروں ٻہوں خطرے وچ ہے ،ماحولیاتی تحفظ اتے معیشت دا آپت اچ گھاٹا تعلق اے۔
