اسلام آباد۔13اپریل(اے پی پی) وفاقی وزیر منصوبہ بندی،ترقی و خصوصی اقدامات پروفیسر احسن اقبال آکھیے جو کہیں وی معاشرے دی ترقی سانڳے پسماندہ طبقیں کوں جدید زیور تعلیم نال آراستہ کرݨ بے حد ضروری اے، قومی ترقی دی بنیاد انسانی وسائل دی ترقی تے منحصر اے، کہیں وی ملک دی ترقی دا انحصار صحت مند قوم تے تھیندے ، صحت دے شعبے کوں جدید خطوط تے استوار کیتا ویندا پئے ۔وفاقی وزیر منصوبہ بندی احسن اقبال اے ڳالھ نارووال میڈیکل کالج دی پہلی سالانہ ناروکون-1 کانفرنس توں خطاب کریندے آکھی۔ انہاں آکھیے پاکستان دا شعبہ صحت ٻئے مختلف مرضاں سودھے وݙی تعداد اچ ذہنی امراض دے ٻوجھ تلے دبیا ہویا اے ،ملک اچ ودھدے پیچیدہ امراض ساݙی قومی ترقی دے رستے اچ ساریں توں وݙی رکاوٹ ہن ، کہیں وی ملک دی ترقی دا انحصار صحت مند قوم تے تھیندے، انہاں مزید آکھیے ملک اچ ہیپاٹائٹس سی، شوگر اتے کینسر سودھے پولیو جیھے مرض ہیلتھ سسٹم سانڳے چیلنج ہن، صحت دے شعبے کوں جدید خطوط تے استوار کیتا ویندا پئے ۔ وفاقی وزیر آکھیے قومی ترقی دی بنیاد انسانی وسائل دی ترقی تے منحصر اے، پاکستان دے قومی وسائل دی ترقی حکومت دی اولین ترجیح اے۔
