اسلام آباد۔13اپریل(اے پی پی) ایران دے سفارتخانہ ایران دے جنوب مشرقی صوبے سیستان و بلوچستان اچ اڄوکے مسلح حملے اچ اٹھ پاکستانی شہریاں دے قتل دی شدید مذمت کریندے ایں فعل کوں غیر انسانی تے بزدلانہ قرارݙتے۔ پاکستان اچ ایرانی سفارتخانے دی طرفوں جاری اعلامیہ اچ ایں المناک واقعے تے ݙکھ تے افسوس کیتے اتے تہران دے ہر قسم دی دہشت گردی دا مقابلہ کرݨ دے عزم دا اعادہ وی کیتے۔ سفارتخانہ آکھیے دہشت گردی پورے خطے سانڳے ھک مستقل تے سانجھا خطرہ اے ۔ مزید آکھیا ڳئے جو غدار عناصر، اکثر بین الاقوامی دہشت گرد نیٹ ورکس نال رل تے امن، سلامتی اتے علاقائی استحکام کوں خطرے اچ پیندن ۔سفارت خانے سارے علاقائی ملکاں توں دہشت گردی اتے انتہا پسندی مکاوݨ سانڳے سانجھیاں کوششاں تکھیاں کرݨ تے زور ݙیندے اجتماعی کارروائی دی لوڑھ تے زور ݙیندے ایں لعنت کوں شکست ݙیوݨ سانڳے متحد، مربوط حکمت عملیاں دی لوڑھ اے ۔دہشت گردی تے پرتشدد انتہا پسندی دی لعنت پچھلے ݙھاکیں اچ پہلے ہی بے شمار نشوم جاناں ڳھدن ۔ایران واقعے دی تحقیقات اچ مکمل تعاون دا وعدہ کریندے آپݨی سرزمین اچ سارے غیر ملکی شہریاں دے حقوق اتے حفاظت سانڳے آپݨے عزم دا اعادہ وی کیتے۔
