اسلام آباد۔13اپریل(اے پی پی) سپیکرقومی اسمبلی سردار ایاز صادق معروف اداکار تے کامیڈین جاوید کوڈو دے انتقال تے ݙکھ تے افسوس کریندے جاوید کوڈو دے گھرآلیں نال تعزیتی تے ہمدردی کیتی اے ۔ قومی اسمبلی سیکرٹریٹ ڈائریکٹوریٹ جنرل آف میڈیا توں جاری بیان اچ سپیکر قومی اسمبلی فن دے شعبے اچ جاوید کوڈو دی خدمات کوں خراج تحسین پیش کیتے تے آکھیے جاوید کوڈو دے انتقال پاروں میڈیا انڈسٹری ھک نامور اداکار توں محروم تھی ڳئی اے ، جاوید کوڈو دی رحلت توں پیدا تھیوݨ آلا خلا مدتاں پرنہ تھی سڳسی ۔ اسپیکر قومی اسمبلی مرحوم دے اُچے درجات تے لواحقین سانڳے صبر دی دعا منڳی۔
