اسلام آباد۔14اپریل (اے پی پی) پاکستان اتے جمہوریہ کوریا 15 توں 16 اپریل کوں اقوام متحدہ دے امن مشن دی وزارتی تیاری دے تریجھے اجلاس دی میزبانی کریسن۔ ترجمان دفتر خارجہ توں سنوار کوں جاری بیان موجب پاکستان جمہوریہ کوریا نال سانجھے داری اچ اسلام آباد اچ نیشنل یونیورسٹی آف سائنسز اینڈ ٹیکنالوجی (نسٹ) دے سینٹر فار انٹرنیشنل پیس اینڈ سٹیبلیٹی اچ اقوام متحدہ دے امن مشن دی وزارتی تیاری دے تریجھے اجلاس دی میزبانی کریسی۔ اے اجلاس برلن جرمنی اچ ایں سال 13 اتے 14 مئی کوں اقوام متحدہ دے امن قائم کرݨ دے آندے وزارتی اجلاس کیتے عالمی اسٹیک ہولڈرز کوں”محفوظ اتے ودھ موثر امن قائم کرݨ آلے پاسے ٹیکنالوجی دا استعمال اتے مربوط نقطہ نظر“ دے موضوع دے تحت اکٹھا کرݨ کیتے مرحلہ طے کریسی۔ اسلام آباد اچ تھیوݨ آلے تیاری اجلاس اچ پاکستان ولوں اعلیٰ شخصیات دے علاوہ اقوام متحدہ دے اعلیٰ حکام بشمول امن آپریشنز دے انڈر سیکرٹری جنرلجین پیئر لیکروکس اتے انڈر سیکرٹری جنرل برائے آپریشنل سپورٹ اتول کھارے شریک تھیسن۔
