اسلام آباد۔17اپریل(اے پی پی)صدر مملکت آصف علی زرداری ضلع ڈیرہ اسماعیل خان اچ ہک کارروائی اچ 4 خوارج جہنم واصل کرݨ تے سیکیورٹی فورسز کوں خراج تحسین پیش کریندے آکھیے جو دہشت گرداں کوں مکمل مکاوݨ تئیں سکیورٹی فورسز دی کارروائیاں جاری رہسن۔ صدر مملکت انٹیلیجنس بیسڈ کارروائی اچ فتنۃ الخوارج دے دہشت گرداں کوں مٹاوݨ تے سکیورٹی فورسز دی بہادری دی تعریف کریندے شہید تھیوݨ آلے سپاہی باسط صدیقی شہید کوں خراج عقیدت پیش کیتے۔ صدر آکھیے جو قوم اپݨے بہادر شہداء دی قربانیاں کوں ہمیشہ یاد رکھسی۔ انہاں شہداء دے لواحقین نال ہمدردی اتے افسوس کریندے صبر جمیل دی دعا کیتی۔
