اسلام آباد۔18اپریل (اے پی پی) وزیراعظم محمد شہباز شریف وزیر اعلیٰ پنجاب مریم نواز دے کنڑک دے کاشتکاراں کیتے خصوصی پیکیج دی تعریف کریندیں ہوئیں آکھیا جو پنجاب اچ ساݙھے پنڄ لکھ کاشت کاراں کوں کنڑک سپورٹ فنڈ دے تحت 15 ارب روپے ݙیوݨ دی منظوری صوبائی حکومت دا سوھݨا کم اے۔ جمعے کوں وزیراعظم آفس دے میڈیا ونگ توں جاری بیان موجب وزیراعظم آکھیا جو پنجاب اچ کنڑک دے کاشتکاراں کیتے آبیانہ اتے فکس ٹیکس اچ چھوٹ کاشتکاراں کیتے ریلیف اے۔ کساناں کوں چار مہینے مفت سٹوریج دی سہولت ݙیوݨ کیتے کنڑک کوں موسمی اثرات اتے کساناں کوں مارکیٹ دے دباؤ توں محفوظ رکھݨ اچ سوکھ تھیسی۔ کنڑک اتے کنڑک نال ٻݨی شئیں دی برآمد اچ وفاقی حکومت، پنجاب حکومت نال تعاون کریسی۔ وزیراعظم آکھیاجو کنڑک دے کاشتکاراں کیتے ایں پیکیج دے اعلان تے وزیر اعلیٰ پنجاب اتے انہاں دی ٹیم کوں مبارخ ݙینداں۔
