اسلام آباد۔18اپریل (اے پی پی) نائب وزیر اعظم اتے وزیر خارجہ سینیٹر محمد اسحاق ڈار نال پاکستان دے سرکاری دورے تے آئے شنگھائی تعاون تنظیم (ایس سی او) دے سیکرٹری جنرل نورلان یرمیک بائیف جمعے کوں ملاقات کیتی۔ نائب وزیر اعظم یرمیک بائیف کوں ایس سی او دے نویں سیکرٹری جنرل دے طور آپݨی ذمہ واریاں سنبھالݨ تے مبارخ ݙتی اتے انہاں کوں شنگھائی تعاون تنظیم دے سیکرٹریٹ کیتے پاکستان ولوں تعاون دا یقین ݙوایا۔ دفتر خارجہ موجب نائب وزیراعظم شنگھائی تعاون تنظیم دے رکن ملکاں نال پاکستان دے تعلقات تے زور ݙیندیں ہوئیں شنگھائی جذبے کوں برقرار رکھݨ کیتے پاکستان دا عزم کیتا۔ سیکرٹری جنرل یرمک بائیف مزمان نوازی تے پاکستان دا شکریہ ادا کیتا اتے شنگھائی تعاون تنظیم دی سرگرمیاں اچ پاکستان دی فعال شمولیت دی تعریف کیتی۔ انہاں ایس سی او دے تحت ٹرانسپورٹیشن اتے لاجسٹکس، انرجی سکیورٹی، فوڈ سیکیورٹی، صحت، ای کامرس اتے گرین اکانومی دے شعبیاں اچ تعاون ودھاوݨ دے طریقے اتے ذرائع تے غور کیتا۔
