وزیر اعظم شہباز شریف دا ایف بی آر ہیڈکوارٹرز دا دورہ، ایف بی آر دے افسراں دی کارکردگی پتہ کرݨ کیتے خودکار، ڈیجیٹل نظام دا اجراء کر ݙتا

اسلام آباد۔18اپریل  (اے پی پی) وزیر اعظم محمد شہباز شریف ایف بی آر دے افسراں دی کارکردگی پتہ کرݨ کیتے خودکار، ڈیجیٹل نظام دا اجراء کر ݙتا۔ جمعے کوں وزیراعظم آفس دے میڈیا ونگ توں جاری بیان موجب وزیر اعظم محمد شہباز شریف ایف بی آر ہیڈ کوارٹرز دا دورہ کیتا۔ وزیراعظم کوں پرال، ڈیجیٹل انوائسنگ اتے پرفارمنس مینجمنٹ سسٹم بارے بریفنگ ݙتی ڳئی اتے ایف بی آر دے نویں ڈلیوری یونٹ دا دورہ اتے افسراں نال ملاقات کرائی ڳئی۔ وزیراعظم کوں ݙسیا ڳئیا جو ایف بی آر اچ ڈیٹا دی بنیاد تے فیصلہ سازی دا نظام معتارف کرایا ڳئے جئیں اچ نادرا، بینکنگ اتے ٻئے شعبیاں توں ادائیگیاں اتے اثاثہ جات دی خرداری دا ڈیٹا ڳھدا ویندا پئے۔ وزیر اعظم دے ایف بی آر دی اصلاحات  تے ڈیجیٹائیزیشن دے وژن دے مطابق پوری ویلیو چین کوں ڈیجیٹائیز کیتا ویندا پئے۔ ایندےعلاوہ ڈیجیٹل انوائسنگ دی ساری تیاری پوری اے اتے جلدی اجراء کر ݙتا ویسی۔  وزیر اعظم ایف بی آر دے افسراں دی کارکردگی بہتر ٻݨاوݨ اتے سزا تے جزاء دے اصول کوں ݙیکھݨ افسراںد ی کارکردگی دا پتہ کرݨ کیتے خودکار اتے ڈیجیٹل نظام دا اجراء وی کیتا۔