اسلام آباد۔18اپریل(اے پی پی)وزیراعظم محمد شہباز شریف اڄوکے مالی سال دے پہلے 9 مہینے اچ آئی ٹی برآمدات اچ 23 فیصد ودھارے دا خیر مقدم کریندے آکھیے جو آئی ٹی برآمدات 2.828 ارب ڈالر دی تاریخی سطح تے پڄ چکین، حکومت آئی ٹی برآمدات اتے بیرون ملک خدمات سانڳے پاکستانی ماہرین دی تعداد ودھاوݨ اچ ردھی ہوئی اے۔ وزیراعظم آکھیے جو حکومت ولوں آئی ٹی شعبے کوں سہولتاں ݙیوݨ نال شعبے دی برآمدات اچ 23 فیصد ودھارا تھئے، ایں سانڳے آئی ٹی شعبے نال جڑیے کاروباری افراد حکومتی پالیسیاں توں فیدہ چیندے روایتی مارکیٹاں دے نال نال نویاں مارکیٹاں اچ اپݨی خدمات برآمد کیتن، حکومت آئی ٹی برآمدات اتے بیرون ملک آئی ٹی شعبے اچ خدمات سانڳے پاکستانی ماہرین دی تعداد ودھاوݨ کیتے کم کریندی پئی اے۔ وزیراعظم آکھیے جو آئی ٹی شعبے دی ترقی اتے برآمدات ودھاوݨ کیتے ورانہ تربیت دے اقدامات کریندے پئے ہیں۔
