راولپنڈی ۔18اپریل(اے پی پی) سکیورٹی فورسز دے خیبر پختونخوا دے ضلع سوات اچ آپریشن اچ 4 دہشت گرد ماریے گئن۔ آئی ایس پی آر آکھیے جو سیکیورٹی فورسز اتے قانون نافذ کرݨ آلے اداریاں خوارج دی اطلاع تے ضلع سوات اچ انٹیلی جنس تے مشترکہ آپریشن کیتے۔ سیکیورٹی اہلکاراں دی خوارج دے ٹھکاݨے تے مؤثر کارروائی دے نتیجے اچ 4 خوارج ماریے گئن جنہاں توں اسلحہ اتے گولہ بارود وی ملیے۔ علاقے اچ کہیں وی ٻئے دہشتگرد کوں مکاوݨ کیتے کلیئرنس آپریشن وی کیتا ڳئے۔ آئی ایس پی آر آکھیے جو سیکیورٹی فورسز قانون نافذ کرݨ آلے اداریاں نال رل تے ملک توں دہشت گردی دی لعنت مکاوݨ کیتے پرعزم ہین۔
