اسلام آباد۔18اپریل (اے پی پی) وفاقی وزیرداخلہ محسن نقوی سوات اچ خوارج دے خلاف کامیاب آپریشن تے سیکورٹی فورسز کوں خراج تحسین پیش کریندے 4 خوارج جہنم واصل کرݨ تے بہادری دی تعریف کیتی اے۔ انہاں آکھیے جو سکیورٹی فورسز وݙی بہادری نال 4 خوارجی دہشتگرداں کوں انجام تئیں پچائے اتے مذموم مقاصد ناکام کیتن، پوری قوم دہشت گردی دے خلاف اپݨیاں سکیورٹی فورسز دے نال اے، خوارجی دہشتگرداں اتے سہولت کاراں دے مکمل خاتمے تئیں اے آپریشنز جاری رہسن۔ انہاں ملک توں فتنتہ الخوارج کوں منݙھو مکاوݨ اتے ملک کوں امن دا گہوارہ ٻݨاوݨ کیتے اپݨا عزم دوہرائے۔
