اسلام آباد۔18اپریل(اے پی پی)وزیر مملکت داخلہ سینیٹر طلال چوہدری آکھیے جو افغانیاں دی وطن واپسی دا سلسلہ جاری اے، افغانیاں دے ونڄݨ دی مقررہ مدت اچ کوئی توسیع نا تھیسی، ون ڈاکومنٹ رجیم پالیسی دے تحت ہݨ تئیں 9 لکھ 7 ہزار 39 افغانی واپس ونڄ چکین، 30 اپریل دے بعد ری سیٹلمنٹ کیتے پاکستان اچ موجود افغانیاں دا کیس ٹو کیس جائزہ ڳھدا ویسی۔ پی ٹی وی ہیڈ کوارٹر اچ پریس کانفرنس کریندے انہاں آکھیا جو پاکستان اچ غیر قانونی طور تے موجود افغان شہریاں دی واپسی دی مقررہ مدت اچ توسیع دا کوئی سوچے وی نا، ڄیکر کوئی کہیں غیر قانونی غیر ملکی شہری کوں کرائے تے کوئی ڄاہ، کوئی دکان یا مکان ݙیسی تاں او وی نال دا جرم دار ہوسی، ایندے کیتے کوئی قانونی دستاویزات ہووݨ لازمی ہین۔ انہاں آکھیا جو افغانیاں دی وطن واپسی دے ݙوڄھے مرحلے اچ 18 اپریل تئیں 84869 افغان شہریاں کوں واپس ٻھڄیے، انہاں اچ 25320 افغان سٹیزن کارڈ ہولڈر ہن باقیاں کولو کوئی دستاویز یا رجسٹریشن کائنا ہئی، انہاں کوں سب توں پہلے ٹرانزٹ پوائنٹ تے رکھیا ویندے ڄیڑھے سب توں ودھ 38 پنجاب اچ ہین، ہک اسلام آباد، ݙو خیبرپختونخوا، ݙو سندھ اتے ݙو بلوچستان اچ ہین۔ انہاں آکھیا جو پاکستانی وزارت خارجہ افغان حکومت نال رابطے اچ اے جو انہاں دے شہری افغانستان پڄین تان انہاں کوں پرامن طور تے آباد کیتا ونڄ سڳے۔ انہاں آکھیا جو افغانستان نال مسلیاں دے حل کیتے تیکھے نائب وزیر اعظم دی سربراہی اچ وفد افغانستان ویسی۔
