راولپنڈی۔19اپریل (اے پی پی) چیف آف آرمی سٹاف جنرل سید عاصم منیرآکھیا جو پاکستان آرمی ٹیم اسپرٹ پیشہ ورانہ فوجی مہارتاں اتے شرکاء دی حکمت عملی دی مہارت کوں مناسب طریقےنال کٹھا کیتے۔انٹر سروسز پبلک ریلیشنز (آئی ایس پی آر) توں جاری پریس ریلیز اچ آکھیا ڳئیا جو 8ویں بین الاقوامی پی اے ٹی ایس مقابلے دی چھیکڑی تقریب توں خطاب کریندیں ہوئیں آرمی چیف مشق دے مختلف مرحلیاں اچ پیشہ وارانہ مہارت، جسمانی اتے ذہنی برداشت اتے اعلیٰ اخلاقی کارکردگی ݙکھاوݨ آلی ٹیماں دی تعریف کیتی۔ اے مقابلہ14 توں 18 اپریل 2025 تئیں کھاریاں گیریژن اچ تھیا۔ آرمی چیف چھیکڑی تقریب اچ بطور مزمان خصوصی شریک تھیے۔ مشق اچ پاک فوج دی ست ٹیماں نال پاک بحریہ دی ہک ٹیم اتے دوست ملکاں دی پندرہ ٹیماں حصہ ڳھدا جئیں اچ بحرین، بیلاروس، چین، سعودی عرب، مالدیپ، مراکش، نیپال، قطر، سری لنکا، ترکی، امریکہ اتے ازبکستان شامل ہن۔ ایندے علاوہ بنگلہ دیش، مصر، جرمنی، کینیا، میانمار اتے تھائی لینڈ دے نمائندے بطور مبصر مشق دا مشاہدہ کیتا۔ اے مشق پنجاب دے نیم پہاڑی علاقیاں اچ کیتی ڳئی۔ چھیکڑ اچ آرمی چیف مشق دے شرکا کوں انفرادی اتے ٹیم ایوارڈز ݙتے۔
