اسلام آباد۔19اپریل (اے پی پی) نائب وزیراعظم اتے وزیرخارجہ اسحاق ڈار افغانستان دے عبوری وزیر اعظم ملا محمد حسن اخوند نال ملاقات کیتی۔ دفترخارجہ توں جاری بیان موجب ملاقات اچ ݙوہیں ملکاں دا سلامتی، تجارت، ٹرانزٹ اتے عوامی تعلقات سودھے آپسی دلچسپی دے معاملیاں تے تفصیلی ڳالھ مہاڑ کیتی۔ ملاقات اچ ݙوہیں ملکاں وچال برادرانہ تعلقات کوں ٻیا مضبوط کرݨ کیتے اعلیٰ سطح تبادلیاں دی اہمیت بارے عزم کیتا۔
