علامہ اقبالؒ خودی، اتحاد اتے بھائی چارے دا سنیھا ݙتے، انہاں دا فلسفہ اڄ وی سوجھلا اے، وزیر داخلہ محسن نقوی

اسلام آباد۔21اپریل  (اے پی پی) وفاقی وزیرداخلہ  محسن نقوی شاعر مشرق علامہ  محمد اقبالؒ دی بے مثال خدمات کوں زبردست الفاظ اچ خراج عقیدت پیش کریندیں ہوئیں آکھیا جو علامہ  اقبالؒ خودی، اتحاد اتے بھائی چارے دا سنیھا ݙتے، انہاں دا فلسفہ اڄ وی سوجھلا اے۔ او مسلماناں کیتے اںج ریاست دا خواب نہ ݙیکھدے تاں اڄ اساں آزاد وطن اچ ساہ نہ ڳھندے پئے ہوندے۔  علامہ اقبالؒ دی 87 ویں برسی تے آپݨے سنیھے اچ وزیرداخلہ آکھیا جو مفکر پاکستان دا احسان قوم قیامت تئیں نی لہا سڳدی۔ انہاں آکھیا ویلھا آڳئے جو اساں کٹھے تھی تے ملکی ترقی کیتے کم کروں۔ اڄ اساکوں بحیثیت قوم علامہ اقبالؒ دے افکار کوں سوجھلا ٻݨاوݨ دا عزم کرݨے۔