اسلام آباد۔21اپریل (اے پی پی) وزیراعظم محمد شہباز شریف پی آئی اے دی لاہور توں باکو براہ راست پروازاں دی ݙو سالیں بعد بحالی دا خیر مقدم کریندیں ہوئیں آکھیا جو اے براہ راست پروازاں ݙوہیں برادرملکاں وچال رابطے اتے سیاحت کیتے اہم ہن۔ سنوار کوں ایکس تے آپݨٰی پوسٹ اچ وزیراعظم آکھیا جو پہلی افتتاحی پرواز جئیں کوں پاکستانی تریمت پائلٹ شاہدہ اسماعیل چلیندی پئن، ہک فخر دی ڳالھ اے اتے ایندا ثبوت اے جو پاکستانی تریمتیں ہوابازی سودھے سارے شعبیاں اچ مہارت رکھیندن۔ وزیر اعظم آکھیا جو اساں پاکستان اتے آذربائیجان وچال ݙوپاسہ تعلقات کوں ہر شعبے اچ مستحکم کرݨ کیتے پرعزم ہیسے۔
