اسلام آباد۔21اپریل (اے پی پی) وزیراعظم محمد شہباز شریف جولائی 2024 توں مارچ 2025 ٹیکسٹائل سیکٹر دی برآمدات اچ 9.38 فیصد ودھارے دا خیرمقدم کریندیں ہوئیں آکھیا جو ٹیکسٹائل سیکٹر دی برآمدات ایں ویلھے 13.613 بلین ڈالر تئیں پڄ ڳئن جو ٻہوں خوشی دی ڳالھ اے۔ سنوار کوں وزیراعظم آفس دے میڈیا ونگ توں جاری بیان موجب وزیراعظم آکھیا جو ٹیکسٹائل سیکٹر دی برآمدات اچ مارچ وچال 6.27 فیصد ودھارا معیشت دی ترقی، حکومتی پالیسیاں دی سدھ پاروں اے۔ ترقی دے پندھ اچ ٻئی ترقی کیتے حکومتی ٹیم ݙینھ رات محنت کریندی پئی اے۔ اساں ملکی برآمدات اچ مستقل ودھارے کوں ممکن ٻݨاوݨ کیتے نجی شعبے کوں کاروباری دوست ماحول ݙیوݨ دی کوشش کریندی پئیوں۔
