اسلام آباد۔21اپریل (اے پی پی) وزیراعظم محمد شہباز شریف جنوبی وزیرستان اچ پولیو ٹیم دے تحفظ تے مامور پولیس اہلکاراں تے دہشتگرد حملے دی مذمت کریندیں ہوئیں آکھیا جو پولیو مہم دے کارکناں تے انہاں دےتحفط تے لڳیے اہلکاراں تے حملہ کرݨ آلے دہشت گردی انسانیت اتے قوم دے دشمن ہن۔ پولیو دے خلاف مہم جاری رہسی۔ سنوار کوں وزیراعظم آفس دے میڈیا ونگ توں جاری بیان موجب وزیراعظم واقعے اچ کانسٹیبل دی شہادت تے افسوس کیتا اتے شہید کانسٹیبل کیتے مغفرت اتے لواحقین کیتےصبر تے استقامت دی دعا کیتی۔ وزیراعظم زخیاں کوں فوری طبی امداد ݙیوݨ دی ہدایت کیتی۔ وزیراعظم آکھیا جو حکومت پاکستان اتے قانون نافذ کرݨ آلے ادارے ملک توں دہشت گردی کوں منڈھوں مُکاوݨ کیتے ݙینھ رات محنت کریندے پئن۔
