اسلام آباد۔21اپریل(اے پی پی)سپیکر قومی اسمبلی سردار ایاز صادق سپریم کورٹ دے سابق جج جسٹس ریٹائرڈ سرمد جلال عثمانی دے انتقال تے افسوس کریندے جسٹس (ر) سرمد جلال عثمانی دی خدمات کوں خراج تحسین پیش کیتے۔ انہاں آکھیا جو جسٹس سرمد جلال عثمانی ہک قابل ماہر قانون ہن، انہاں دی خدمات یاد رکھیاں ویسن، انہاں دی وفات نال آوݨ آلا خلاء پر نا تھی سڳسی۔ انہاں آکھیا جو ایں ݙکھ اچ مرحوم دے اہلخانہ دے نال ہیں، اللہ تعالیٰ مرحوم کوں جنت اچ ڄاہ ݙیوے اتے لواحقین کوں صبر آوے۔
