اسلام آباد۔22اپریل (اے پی پی) وزیراعظم شہبازشریف ترک صدر رجب طیب اردوان دی دعوت تے ݙو ݙینھ دے دورے تے انقرہ روانہ تھی ڳئے۔منگل کوں وزیر اعظم آفس دے میڈیا ونگ توں جاری بیان موجب دورے اچ وزیراعظم صدرطیب اردوان دے نال ݙوپاسہ تعلقات دے نال نال اڄوکی عالمی تے علاقائی پیش رفت تے ڳالھ مہاڑ کریسن۔ ݙوہیں ملکاں آپسی دلچسپی دے مختلف معاملیاں تے تعاون اتے ہم آہنگی کیتے اعلیٰ سطحی سٹریٹجک کوآپریشن کونسل (ایچ ایل ایس سی سی) دی شکل اچ قیادت دی سطح تے طریقہ کار ٻݨائے۔ ایچ ایل ایس سی سی دا 7 واں اجلاس 12،13 فروری 2025 کوں اسلام آباد اچ تھیا۔ صدر رجب طیب اردوان اتے وزیر اعظم محمد شہباز شریف 7ویں اجلاس دی سانجھی صدارت کیتی۔ نائب وزیر اعظم اتے وزیر خارجہ محمد اسحاق ڈار، وزیر اطلاعات تےنشریات عطا اللہ تارڑ اتے معان خصوصی طارق فاطمی وی وزیر اعظم دے نال ہن۔
